ராமாயணம் யார் ? எவர் ?

அகல்யை        - ராமரின் அருளால் சாபம் நீங்கப் பெற்றவள்

அகஸ்தியர்            - மாமுனி, வனத்தில் வாழ்ந்தவர், ராமனுக்கு

                     ‘ஆதித்யஹிருதயம்’ உபதேசித்தவர்

அகம்பனன்            - ஜனஸ்தானத்தில் ராமனின் அம்பினால்

                     சாகாமல் தப்பிப் பிழைத்தவன், ராவணனிடம் ராமனைப்

                     பற்றி கோள் சொன்னவன்

அங்கதன்        - வாலி – தாரையின் மகன், கிஷ்கிந்தையின் இளவரசன்,

                     சீதையைத் தேடத் தென்திசை சென்ற வானரப்படையின்

                     தலைவன், ராமனின் துதனாக ராவணனின் அவைக்குச்

                     சென்றவன்

அத்ரி            - முனிவர், அனசூயையின் கணவர், வனத்தில்

                     வாழ்ந்தவர்

இந்திரஜித்       - ராவணனின் மகன், லட்சுமணன் கையால் போரில்

                     மாண்டான், மேகநாதன் என்றும் பெயர் உண்டு

கரன், துஷணன் - ராவணனின் தம்பிகள், ஜனஸ்தானத்துக்கு இவர்கள்

                     பொறுப்பாளர்கள், ராமன் கையால் மாண்டார்கள்

கபந்தன்         - தலையும், காலும் அற்றவன், ராமனால் வதைக்கபட்ட

                     அரக்கன், கந்தர்வ வடிவத்தைத் திரும்பப் பெற்று

                     ராமலட்சுமணர்கள் கிஷ்கிந்தை செல்ல

                     வழிகாட்டியவன்

குகன்            - வேடர் தலைவன், படகோட்டி, சிருங்கிவேரபுரம் அவன்

                     தலைநகரம்

கும்பகர்ணன்    - ராவணனின் தம்பி, எப்போதும் பெரும் துக்கம்

                     துங்குபவன்

கும்பன்          - கும்பகர்ணனின் மகன்

குசத்வஜன்      - ஜனகனின் தம்பி, மாண்டலி, சுருதகீர்த்தி ஆகியோரின்

                     தந்தை, பரத சத்ருக்னனின் மாமனார்

கௌசல்யா,

கைகேயி,

சுமித்திரை       - தசரதனின் மனைவியருள் தலையாயவர்கள்

கௌதமர்        - ரிஷி, அகல்யையின் கணவர்

சதானந்தர்       - அகல்யை – கௌதமரின் மகன், ஜனகரின் புரோகிதன்

சம்பராசுரன்     - இவனுக்கும், தேவர்களுக்கும் நடந்த போரில், தசரதன்

                     தேவர்களுக்கு உதவினான்

சரபங்கன்        - தவ முனி, வனத்தில் வாழ்ந்தவர்

சபரி             - மதங்கரின் மாணவி, ஆன்மீகத்தில் பெருநிலை

                     பெற்றவள், ராமனை தரிசித்தவள்

சதபலி           - வடக்குத் திசையில் சீதையைத் தேடிச் சென்றவன்

சம்பாதி          - கழுகரசன் ஜடாயுவின் அண்ணன், சீதையைக் காண

                     அங்கதனின் படைக்கு உதவியவன்

சீதையின் வேறு

பெயர்கள்        - ஜானகி, வைதேகி, ஜனகநந்தினி, ஜனககுமாரி, மைதிலி

சுமந்திரன்       - தசரதனின் மந்திரி, தேரோட்டி

சுக்ரீவன்        - வாலியின் தம்பி, கிஷ்கிந்தை மன்னன்,

                     சூரியபகவானின் அருளால் பிறந்தவன்

சுதீக்ஷ்ணர்       - தவமுனி, வனத்தில் வாழ்ந்தவர்

சுஷேணன்       - வானர மருத்துவன், மேற்கு திசையில் சீதையைத்

                     தேடச் சென்ற வானரப்படையின் தலைவன்

சூர்ப்பனகை     - ராவணனின் தங்கை, விதவை

தசரதன்          - ராமனின் தந்தை

ததிமுகன்        - சுக்ரீவனின் தாய்மாமன், மதுவனத்தைக் காப்பவன்

தாடகை         - காமாஸ்ரமத்தை அடுத்த காட்டில் வசித்த அரக்கி,

                     ராமன் இவளை வதம் செய்தான்

தாரை            - வாலியின் மனைவி, அங்கதனின் தாய், அறிவில்

                     சிறந்த வானர ராணி

தான்யமாலினி  - ராவணனின் இளைய மனைவி

திரிஜடா         - அரக்கிகளுள் நல்லவள், சீதைக்கு நம்பிக்கை

                     ஊட்டியவள்

திரிசரஸ்         - கரனின் சேனாதிபதி

நளன்            - பொறியியல் அறிந்த வானரவீரன், கடலின் மீது

                     இலங்கைக்குப் பாலம் கட்டியவன்

நாரதர்           - முனிவர், பிரம்மாவின் மனத்தில் பிறந்தவர்

நிகும்பன்        - கும்பகர்ணனின் மகன்

நீலன்            - வானர சேனாதிபிபதி, அக்னி தேவனின் அருளால்

                     பிறந்தவன்

பரசுராமன்       - விஷ்ணுவின் அவதாரம், ஜமதக்னியின் மகன்

பரத்வாஜர்       - பிரயாகை அருகே ஆசிரமம் அமைத்திருந்த முனிவர்

பரதன்           - தசரதனின் மகன், கைகேயியின் புத்திரன்

மந்தரை         - கூனி, கைகேயியுடன் கேகய நாட்டிலிருந்து அயோத்தி

                     வந்த தனி வேலைக்காரி

மதங்கர்         - தவமுனி, வனத்தில் வாழ்ந்தவர்

மண்டோதரி     - மயனின் மகள், ராவணனின் மனைவி, பட்டத்து ராணி,

                     இந்திரஜித்தின் தாய்

மாரீசன், சுபாகு - தாடகையின் மகன்கள், ராமனால் வதம் செய்யப்

                     பட்டவர்கள், மாரீசன் மாய மானாக வந்தவன்

மால்யவான்     - ராவணனின் தாய்வழிப்பட்டவன்

மாதலி           - இந்திரனின் தேரோட்டி

யுதாஜித்         - கேகய நாட்டு இளவரசன், கைகேயியின் தம்பி,

                     பரதனின் தாய் மாமன்

ராவணன்        - விச்ரவாவின் மகன், குபேரனின் தம்பி, புலஸ்தியனின்

                     பேரன்

ராமன்           - ராமாயணத்தின் கதாநாயகன், ராகவன், காகுத்தன்

ரிஷ்யசிருங்கர்  - புத்திரகாமேஷ்டியாகம் செய்த முனிவர்

ருமை            - சுக்ரீவனின் மனைவி, வாலி இவளைக் கவர்ந்து

                     கொண்டான்

லட்சுமணன்     - ராமானுஜன், சுமித்திரையின் மகன், ராமனின் தம்பி

லங்கா தேவி    - இலங்கையின் காவல் தெய்வம்

வசிஷ்டர்        - தசரதரின் குலகுரு, அருந்ததியின் கணவர்,

                    (மார்க்கண்டேயர், மௌதகல்யர், வாமதேவர், காசியப்பர்,

                     காத்தியாயனர், கௌதமர், ஜாபாலி ஆகியோர் மற்ற

                     குருமார்கள்)

வருணன்        - கடல் அரசன், தன் மீது அணைகட்ட ராமனை

                     அனுமதித்தான்

வால்மீகி        - ராமாயணத்தை எழுதிய ஆதிகவி, ரத்தினாகரன் என்ற

                     வழிப்பறிக் கொள்ளைக்காரனாக இருந்து தவம் புரிந்து

                     மகரிஷி ஆனவர், குசலவனுக்கு ராமாயணம்

                     போதித்தவர், சீதைக்கு அடைக்கலம் அளித்தவர்

வாலி            - இந்திரனின் அருளால் பிறந்த வானர வேந்தன்

விஸ்வாமித்திரர் - பிரம்மரிஷி, ராமனுக்கு அஸ்திரவித்தை போதித்தவர்,

                     சீதாராமன் திருமணத்துக்குக் காரணமானவர்

விராதன்         - தண்டகவனத்தில் வாழ்ந்த ராக்ஷசன், முற்பிறவியில்

                     ஒரு கந்தர்வன், ராமனால் சாபம் தீர்ந்தவன்

விபீஷணன்      - ராவணனின் தம்பி, ராமனிடம் சரண் புகுந்தவன்

வினதன்         - கிழக்குத்திசையில் சீதையைத் தேடிச் சென்றவன்

ஜடாயு           - கழுகரசன் சம்பாதியின் தம்பி, தசரதனின் தோழன்,

                     சீதைக்காக ராவணனுடன் போராடி உயிர் நீத்தவன்

ஜனகர்           - சீதையின் தந்தை, ஊர்மிளைக்கும் தந்தை

ஜாம்பவான்      - கரடி வேந்தன், பிரம்மாவின் அருள் பெற்றுப்

                     பிறந்தவன்

ஹனுமான்      - அஞ்சனை என்ற தாய்க்கும், கேசரி என்ற தந்தைக்கும்,

                     வாயு பகவான் அருளால் பிறந்தவன், ஆஞ்சநேயன்,

                     மாருதி, வாயுகுமாரன் என்பவை அவன் வேறு

                     பெயர்கள்

ஸ்வயம் பிரபை - குகையில் வாழ்ந்த தபஸ்வினி, குரங்குப்

                    படையினருக்கு உணவிட்டவள்